سحر لغة الجسد

·كنت متعود دايما اقعد في اي اجتماع مربع ايدي، بس لما اترقيت -وكنت اصغر مدير تسويق لشركة أدوية عالمية وانا عندي 27 سنة- وقريت في لغة الجسد ان تربيع الذراعين هو وضع دفاعي يوحي بالانعزال، فهمت انا ليه كنت بعمل كده -لاني كنت ببقى حابب اسمع اكتر ما اتكلم-
·فكان لازم أغير الوضع ده بوضع الجلوس المثالي
·فكل ما كنت احاول احط ايدي على مسند الكرسي –وده الوضع المثالي- كنت من غير ما احس أفاجأ باني ربعت ايدي!!
·فقررت امسك مسند الكرسي علشان أمنع ايدي تربع من غير ما أحس. وكملت في دراسة لغة الجسد لأفاجئ بان الحركة دي معناها: التوتر!! صح والله، كنت متوتر لأني مش قاعد بالطريقة اللي انا متعود عليها.
·قلت خلاص، علشان أمنع نفسي اني أربع (= الانعزال)، من غير ما أمسك مسند الكرسي (= التوتر) أنا احط ايدي في جيبي. ذكي قوي ما شاء الله!! لأفاجأ ان: اخفاء اليد في الجيب معناه اخفاء معلومات!! صح جدا.. أنا بخبي ان انا قاعد قعدة مش مريحاني
·هنا بس آمنت ان لغة الجسد سحر، يقدر يخليك تفهم اللي قدامك حاسس بإيه من غير ما يتكلم، من غير حتى ما تعرفه. ومن يوميها اتجننت الحمد لله؛ وبقت هوايتي اني اراقب الناس قاعدة ازاي وواقفة ازاي في المترو J